(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 196

॥ శ్రీః ॥
1.196. అధ్యాయః 196
Mahabharata - Adi Parva - Chapter Topics
పితౄణాం నిదేశేన ఔర్వస్య సముద్రే క్రోధత్యాగః॥ 1 ॥
Mahabharata - Adi Parva - Chapter Text

ఔర్వ ఉవాచ। 1-196-0x(1118)(8753)
ఉక్తవానస్మి యాం క్రోధాత్ప్రతిజ్ఞాం పితరస్తదా।
సర్వలోకవినాశాయ న సా మే వితథా భవేత్॥ 1-196-1(8754)
వృథారోషప్రతిజ్ఞో వై నాహం జీవితుముత్సహే।
అనిస్తీర్ణో హి మాం రోషో దహేదగ్నిరివారణిం॥ 1-196-2(8755)
యో హి కారణతః క్రోధం సంజాతం క్షంతుమర్హతి।
నాలం స మనుజః సంయక్ త్రివర్గం పరిరక్షితుం॥ 1-196-3(8756)
అశిష్టానాం నియంతా హి శిష్టానాం పరిరక్షితా।
స్థానే రోషః ప్రయుక్తః స్యాన్నృపైః సర్వజిగీషుభిః॥ 1-196-4(8757)
అశ్రౌషమహమూరుస్థో గర్భశయ్యాగతస్తదా।
ఆరావం మాతృవర్గస్య భృగూణాం క్షత్రియైర్వధే॥ 1-196-5(8758)
సామరైర్హి యదా లోకే భృగూణాం క్షత్రియాధమైః।
ఆగర్భోత్సాదనం క్షాంతం తదా మాం మన్యురావిశత్॥ 1-196-6(8759)
ప్రకీర్ణకేశాః కిల మే మాతరః పితరస్తథా।
భయాత్సర్వేషు లోకేషు నాధిజగ్ముః పరాయణం॥ 1-196-7(8760)
తాన్భృగూణాం యదా దారాన్కశ్చిన్నాభ్యుపపద్యత।
మాతా తదా దధారేయమూరుణైకేన మాం శుభా॥ 1-196-8(8761)
ప్రతిషేద్ధా హి పాపస్య యదా లోకేషు విద్యతే।
తదా సర్వేషు లోకేషు పాపకృన్నోపపద్యతే॥ 1-196-9(8762)
యదా తు ప్రతిషేద్ధారం పాపో న లభతే క్వచిత్।
తిష్ఠంతి బహవో లోకాస్తదా పాపేషు కర్మసు॥ 1-196-10(8763)
జానన్నపి చ యః పాపం శక్తిమాన్న నియచ్ఛతి।
ఈశః సన్సోఽపి తేనైవ కర్మణా సంప్రయుజ్యతే॥ 1-196-11(8764)
రాజభిశ్చేశ్వరైశ్చైవ యది వై పితరో మమ।
శక్తైర్న శకితాస్త్రాతుమిష్టం మత్వేహ జీవితం॥ 1-196-12(8765)
అత ఏషామహం క్రుద్ధో లోకానామీశ్వరో హ్యహం।
భవతాం చ వచో నాలమహం సమభివర్తితుం॥ 1-196-13(8766)
మమాపి చేద్భవేదేవమీశ్వరస్య సతో మహత్।
ఉపేక్షమాణస్య పునర్లోకానాం కిల్బిషాద్భయం॥ 1-196-14(8767)
యశ్చాయం మన్యుజో మేఽగ్నిర్లోకానాదాతుమిచ్ఛతి।
దహేదేష చ మామేవ నిగృహీతః స్వతేజసా॥ 1-196-15(8768)
భవతాం చ విజానామి సర్వలోకహితేప్సుతాం।
తస్మాద్విధద్ధ్వం యచ్ఛ్రేయో లోకానాం మమ చేశ్వరాః॥ 1-196-16(8769)
పితర ఊచుః। 1-196-17x(1119)
య ఏష మన్యుజస్తేఽగ్నిర్లోకానాదాతుమిచ్ఛతి।
అప్సు తం ముంచ భద్రం తే లోకా హ్యప్సు ప్రతిష్ఠితాః॥ 1-196-17(8770)
ఆపోమయాః సర్వరసాః సర్వమాపోమయం జగత్।
తస్మాదప్సు విముంచేమం క్రోధాగ్నిం ద్విజసత్తమ॥ 1-196-18(8771)
అయం తిష్ఠతు తే విప్ర యదీచ్ఛసి మహోదధౌ।
మన్యుజోఽగ్నిర్దహన్నాపో లోకా హ్యాపోమయాః స్మృతాః॥ 1-196-19(8772)
ఏవం ప్రతిజ్ఞా సత్యేయం తవానఘ భవిష్యతి।
న చైవం సామరా లోకా గమిష్యంతి పరాభవం॥ 1-196-20(8773)
వసిష్ఠ ఉవాచ। 1-196-21x(1120)
తతస్తం క్రోధజం తాత ఔర్వోఽగ్నిం వరుణాలయే।
ఉత్ససర్జ స చైవాప ఉపయుంక్తే మహోదధౌ॥ 1-196-21(8774)
మహద్ధయశిరో భూత్వా యత్తద్వేదవిదో విదుః।
తమగ్నిముద్హిరద్వక్త్రాత్పిబత్యాపో మహోదధౌ॥ 1-196-22(8775)
తస్మాత్త్వమపి భద్రం తే న లోకాన్హంతుమర్హసి।
పరాశరం పరాఁల్లోకాంజానంజ్ఞానవతాం వర॥ ॥ 1-196-23(8776)

ఇతి శ్రీమన్మహాభారతే ఆదిపర్వణి చైత్రరథపర్వణి షణ్ణవత్యధికశతతమోఽధ్యాయః॥ 196 ॥

Mahabharata - Adi Parva - Chapter Footnotes
1-196-2 అనిస్తీర్ణోఽకృతకార్యః॥
1-196-8 తద్భృగూణాం రాజా కశ్చిన్నాభ్యుపపద్యతే ఇతి ఙ. పాఠః॥
1-196-21 ఉపయుంక్తే భక్షయతి॥
1-196-22 హయశిరః వడవాముఖం॥
షణ్ణవత్యధికశతతమోఽధ్యాయః॥ 196 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.